លោកបណ្ឌិត ឃីម រដ្ឋា និង លោក យ៉េង សុធា និងភរិយា សហការជាមួយនិងតំណាងអង្គការចីរភាពបរិស្ថានកម្ពុជា ដឹកនាំអំណោយសប្បុរសធម៌ របស់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថ ខេត្តកំពង់ស្ពឺ ចែកជូនប្អូនប្រុសពិការភាពខ្វិនជើងតាំងពីកំណើត នៅភូមិលេខ២ ឃុំប្រាសាទ ស្រុកស្អាង
(ខេត្តកណ្តាល) ÷ នាថ្ងៃអាទិត្យ១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនិងថ្ងៃទី១៧ ខែឧសភា ឆ្នាំ២០២៦ លោកបណ្ឌិត ឃីម រដ្ឋា ជាប្រធាន អង្គភាព រដ្ឋារស្មីស្ទឹងត្រង់ ព្រមទាំងលោក យ៉េង សុធា និងភរិយា ចាងហ្វាង ST TV Online 24H និង លោក អ៊ិន យឿន និងលោក ទួន ឈុន លី លោក ឌុល យ៉េត លោក ស៊ឹមសំអាន ទីប្រឹក្សា លោកហោ គុន្ធា ប្រធានអង្គការចីរភាពបរិស្ថាន កម្ពុជា បាននាំយកអំណោយសប្បុរសធម៌ របស់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថ ខេត្តកំពង់ស្ពឺ យកទៅប្រគល់ជូនប្អូនប្រុស ហុក សៀកឡេង ដែលពិការភាពខ្វិនជើងតាំងពីកំណើត ។ អមដំណើរនាឱកាសនោះ ក៏លោកស្រីមេឃុំ កែន ឃឹម និងលោកមេភូមិ គ្រុន សែ និងក្រុមការងារ សារព័ត៌មានជាច្រើនរូបទៀតផងដែរ ។
ប្អូនប្រុស ហុក សៀកឡេង ភេទប្រុស អាយុ ២៩ឆ្នាំ ដែលរស់នៅ ភូមិ លេខ២ ឃុំប្រាសាទ ស្រុកស្អាង ខេត្តកណ្ដាល ដែលពិការភាពខ្វិនជើងតាំងពីកំណើត ។
អំណោយសប្បុរសធម៌ រួមមានដូចជា រទេះរុញជនពិការចំនួន ១ គ្រឿង, អង្ករ 3 បេ, ទឹកត្រី 3 យួរ, ទឹកស៊ីអ៊ីវ 3 យួរ, ទឹកសុទ្ធ 5យួរ, ឮស្ករសរ 3kg, មីជាតិ 3កេស និងថវិកាចំនួន ១០ ម៉ឺនរៀល ។
ប្អូនប្រុស ហុក សៀកឡេង បានគោរពសម្តែងនូវសេចក្តីត្រេកអរជាពន្លឹក និង សូមគោរពថ្លែងអំណរអរគុណដល់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺនិងភរិយា ព្រមទាំងបុត្រា បុត្រី និងក្រុមការងារទាំងអស់ ដែលមានវត្តមានក្នុងកម្មវីធីនេះទាំងអស់ សូមមានសុខភាពល្អ កំលកំលាំងមាំមួន និងប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
នាឱកាសនោះផងដែរ លោកបណ្ឌិត ឃីម រដ្ឋា អង្គភាព រដ្ឋារស្មីសឹងត្រង់ និងក្រុមការងារ ក៏បាននាំយកសារ៉ុងចំនួន ៤០ ចែកជូនលោកយាយក្នុងមួយនាក់ ទទួលបានសារ៉ុង១ និងមានថវិកាចែកជូនក្មួយៗ មានចំនួន ៤០ នាក់ ក្នុងម្នាក់ៗ ទទួលបានទឹកប្រាក់ ពីពាន់រៀល (២,០០០៛) ស្មើនឹងប្រាំបីម៉ឺនរៀល (៨០,០០០៛) ៕