មានបុគ្គលម្នាក់ឈ្មោះ «សិទ្ធ» ដែលត្រូវបានគេអះអាងថាមានឋានៈជាឧត្តមសេនីយ៍ឯក (ផ្កាយ៣) ពាក់ព័ន្ធនឹងការបើកដំណើរការល្បែងស៊ីសងខុសច្បាប់

ភ្នំពេញ៖ មានការភ្ញាក់ផ្អើលជាសាធារណៈពាក់ព័ន្ធនឹងករណីបើកល្បែងស៊ីសងខុសច្បាប់
តាមប្រភពព័ត៌មានបានឲ្យដឹងថា នៅភូមិ១ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ មានការភ្ញាក់ផ្អើលក្នុងមូលដ្ឋាន ក្រោយមានការចោទប្រកាន់ថា មានបុគ្គលម្នាក់ឈ្មោះ «សិទ្ធ» ដែលត្រូវបានគេអះអាងថាមានឋានៈជាឧត្តមសេនីយ៍ឯក (ផ្កាយ៣) ពាក់ព័ន្ធនឹងការបើកដំណើរការល្បែងស៊ីសងខុសច្បាប់។
ប្រជាពលរដ្ឋនៅតំបន់បានបង្ហាញការព្រួយបារម្ភយ៉ាងខ្លាំង ព្រោះសកម្មភាពនេះអាចបង្កផលប៉ះពាល់ដល់សន្តិសុខ សណ្តាប់ធ្នាប់សង្គម និងជីវភាពរស់នៅប្រចាំថ្ងៃ។ ពួកគេក៏បានស្នើសុំឲ្យអាជ្ញាធរមានសមត្ថកិច្ចពាក់ព័ន្ធ ចុះត្រួតពិនិត្យ និងអនុវត្តវិធានការតាមផ្លូវច្បាប់ឲ្យបានតឹងរឹង។
ជាមួយគ្នានេះ ករណីខាងលើត្រូវការការស្រាវជ្រាវបន្ថែមពីស្ថាប័នពាក់ព័ន្ធ ដើម្បីបញ្ជាក់ភាពពិត និងធានាការអនុវត្តច្បាប់ឲ្យមានប្រសិទ្ធភាព និងយុត្តិធម៌ចំពោះសាធារណជន។