លោកជំទាវ បាន ស្រីមុំ ចុះពិនិត្យការរៀបចំសោភ័ណភាព និងសណ្តាប់ធ្នាប់ក្នុងខេត្តប៉ៃលិន ដើម្បីត្រៀមអបអរសាទរបុណ្យចូលឆ្នាំថ្មី
ខេត្តប៉ៃលិន៖ នាថ្ងៃសៅរ៍ ទី០៤ ខែមេសា ឆ្នាំ២០២៦ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន បានដឹកនាំក្រុមការងារចុះពិនិត្យការរៀបចំសណ្តាប់ធ្នាប់ និងការតុបតែងលម្អសោភ័ណភាពក្រុង ដើម្បីត្រៀមបង្កបរិយាកាសសប្បាយរីករាយជូនដល់ប្រជាពលរដ្ឋ និងភ្ញៀវទេសចរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខ។
ក្នុងឱកាសនោះ លោកជំទាវអភិបាលខេត្ត បានលើកឡើងថា ក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានធ្វើឱ្យប្រទេសជាតិមានសន្តិភាពពេញលេញ និងស្ថិរភាពរឹងមាំ ដែលជាឱកាសមាសអនុញ្ញាតឱ្យរដ្ឋបាលខេត្តអាចរៀបចំកម្មវិធីកម្សាន្តនានា និងសង្ក្រាន្តប៉ៃលិន ប្រកបដោយភាពសប្បាយរីករាយ និងសុខដុមរមនា។
🎯 ចំណុចសំខាន់ៗដែលលោកជំទាវអភិបាលខេត្តបានសង្កត់ធ្ងន់រួមមាន៖
- 🛡️ សន្តិសុខ និងសណ្តាប់ធ្នាប់៖ ត្រូវពង្រឹងការការពារ ២៤ម៉ោង លើ ២៤ម៉ោង ដើម្បីធានាសុវត្ថិភាពជូនប្រជាពលរដ្ឋដែលធ្វើដំណើរមកលេងស្រុកកំណើត និងភ្ញៀវទេសចរ។
- ✨ ការតុបតែងលម្អ៖ រដ្ឋបាលខេត្តបានសហការជាមួយសហភាពសហព័ន្ធយុវជនកម្ពុជា (ស.ស.យ.ក) ខេត្ត ព្រមទាំងមន្ទីរជុំវិញ ចុះរៀបចំភ្លើងពណ៌តាមសួនច្បារ ទីសាធារណៈ និងវិមានឯករាជ្យ។
- 🏞️ តំបន់ទេសចរណ៍ និងវត្តអារាម៖ ត្រូវយកចិត្តទុកដាក់លើអនាម័យ និងសោភ័ណភាពនៅរមណីយដ្ឋានភ្នំយ៉ាត ទឹកធ្លាក់ភ្នំខៀវអូរតាវ៉ៅ និងតាមវត្តអារាមនានា។
សូមបញ្ជាក់ថា ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស. ២៥៧០ នឹងប្រព្រឹត្តទៅរយៈពេល ៣ថ្ងៃ គឺថ្ងៃទី១៤-១៥ និង ១៦ ខែមេសា ឆ្នាំ២០២៦។ ទេវតាឆ្នាំថ្មីដែលនឹងយាងចុះមកគ្រងជម្ពូទ្វីបគឺ ព្រះនាម រាក្យសាទេវី (បុត្រីទី៦ នៃកបិលមហាព្រហ្ម) ដែលនឹងយាងចុះមកនៅថ្ងៃអង្គារ ១៣រោច ខែចេត្រ ត្រូវនឹងថ្ងៃទី១៤ ខែមេសា វេលាម៉ោង ៤:០០នាទីរសៀល។
✍️ អត្ថបទដោយ៖ អ៊ុក ទូច
