អភិបាលខេត្តប៉ៃលិន ចុះពិនិត្យការកែលម្អហេដ្ឋារចនាសម្ព័ន្ធបន្ថែមនៅចំណុចជ្រោះសែនសុខ ដើម្បីលើកកម្ពស់វិស័យទេសចរណ៍
ប៉ៃលិន៖ នៅថ្ងៃទី០៨ ខែមីនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន អមដំណើរដោយមន្ត្រីជំនាញ និងអាជ្ញាធរមូលដ្ឋាន បានអញ្ជើញចុះពិនិត្យមើលការកែលម្អហេដ្ឋារចនាសម្ព័ន្ធបន្ថែម នៅតំបន់ ជ្រោះសែនសុខ ក្នុងគោលបំណងលើកកម្ពស់សោភ័ណភាព និងជំរុញវិស័យទេសចរណ៍ក្នុងខេត្ត ដែលជាកត្តាសំខាន់ក្នុងការរួមចំណែកជំរុញកំណើនសេដ្ឋកិច្ច និងការកែលម្អជីវភាពរស់នៅរបស់ប្រជាពលរដ្ឋ។
ក្នុងឱកាសនោះ លោកជំទាវបណ្ឌិត បាន ស្រីមុំ បានមានប្រសាសន៍ថា រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានបន្តខិតខំដោះស្រាយបញ្ហាប្រឈមនានា និងសំណូមពររបស់ប្រជាពលរដ្ឋ ព្រមទាំងជំរុញការកសាង និងអភិវឌ្ឍប្រទេសជាតិឱ្យមានការរីកចម្រើនលើគ្រប់វិស័យ។
លោកជំទាវបានបន្តថា បច្ចុប្បន្ន រដ្ឋបាលខេត្តប៉ៃលិនកំពុងខិតខំកែលម្អហេដ្ឋារចនាសម្ព័ន្ធសាធារណៈជាច្រើន ដូចជា ផ្លូវ ស្ពាន សាលារៀន មន្ទីរពេទ្យ និងសួនច្បារសាធារណៈ ព្រមទាំងការដាំដើមឈើ និងផ្កាលម្អ ដើម្បីបង្កើនសោភ័ណភាពបរិស្ថាន និងបន្ថែមក្រវាត់ពណ៌បៃតងក្នុងទីក្រុង។ ការអភិវឌ្ឍទាំងនេះមានគោលបំណងទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តក្នុងខេត្តប៉ៃលិនកាន់តែច្រើនឡើង ដែលជាកត្តាសំខាន់ក្នុងការជំរុញសេដ្ឋកិច្ច និងលើកកម្ពស់ជីវភាពប្រជាពលរដ្ឋ។
ជាមួយគ្នានេះ លោកជំទាវបណ្ឌិតអភិបាលខេត្ត ក៏បានអំពាវនាវដល់ប្រជាពលរដ្ឋ និងគ្រប់ភាគីពាក់ព័ន្ធទាំងអស់ ឱ្យចូលរួមថែរក្សាអនាម័យបរិស្ថាន ដោយសម្អាតនៅមុខផ្ទះ និងទីតាំងអាជីវកម្មរបស់ខ្លួនឱ្យបានជាប្រចាំ។ ជាពិសេស អាជីវករលក់ដូរនៅតាមទីសាធារណៈ និងសួនច្បារ ត្រូវវេចខ្ចប់កាកសំណល់ឱ្យបានត្រឹមត្រូវ និងដាក់សំរាមតាមទីតាំងដែលបានកំណត់ ដើម្បីរក្សាសោភ័ណភាព និងសណ្តាប់ធ្នាប់សាធារណៈ។
សូមបញ្ជាក់ថា បច្ចុប្បន្ន អាជ្ញាធរខេត្តប៉ៃលិនកំពុងស្ថាបនាបន្ថែម អគារបណ្ណាល័យ និង រូបបដិមាព្រះពុទ្ធផ្ចាញ់មារដ៏ធំ ដែលធ្វើពីថ្មភ្នំ នៅតំបន់ជ្រោះសែនសុខ ស្ថិតក្នុងភូមិបឹងព្រលឹត ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីបង្កើនសោភ័ណភាពតំបន់ និងលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ៕
ដោយ៖ អ៊ុក ទូច
ប៉ៃលិន៖ នៅថ្ងៃទី០៨ ខែមីនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន អមដំណើរដោយមន្ត្រីជំនាញ និងអាជ្ញាធរមូលដ្ឋាន បានអញ្ជើញចុះពិនិត្យមើលការកែលម្អហេដ្ឋារចនាសម្ព័ន្ធបន្ថែម នៅតំបន់ ជ្រោះសែនសុខ ក្នុងគោលបំណងលើកកម្ពស់សោភ័ណភាព និងជំរុញវិស័យទេសចរណ៍ក្នុងខេត្ត ដែលជាកត្តាសំខាន់ក្នុងការរួមចំណែកជំរុញកំណើនសេដ្ឋកិច្ច និងការកែលម្អជីវភាពរស់នៅរបស់ប្រជាពលរដ្ឋ។
ក្នុងឱកាសនោះ លោកជំទាវបណ្ឌិត បាន ស្រីមុំ បានមានប្រសាសន៍ថា រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានបន្តខិតខំដោះស្រាយបញ្ហាប្រឈមនានា និងសំណូមពររបស់ប្រជាពលរដ្ឋ ព្រមទាំងជំរុញការកសាង និងអភិវឌ្ឍប្រទេសជាតិឱ្យមានការរីកចម្រើនលើគ្រប់វិស័យ។
លោកជំទាវបានបន្តថា បច្ចុប្បន្ន រដ្ឋបាលខេត្តប៉ៃលិនកំពុងខិតខំកែលម្អហេដ្ឋារចនាសម្ព័ន្ធសាធារណៈជាច្រើន ដូចជា ផ្លូវ ស្ពាន សាលារៀន មន្ទីរពេទ្យ និងសួនច្បារសាធារណៈ ព្រមទាំងការដាំដើមឈើ និងផ្កាលម្អ ដើម្បីបង្កើនសោភ័ណភាពបរិស្ថាន និងបន្ថែមក្រវាត់ពណ៌បៃតងក្នុងទីក្រុង។ ការអភិវឌ្ឍទាំងនេះមានគោលបំណងទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តក្នុងខេត្តប៉ៃលិនកាន់តែច្រើនឡើង ដែលជាកត្តាសំខាន់ក្នុងការជំរុញសេដ្ឋកិច្ច និងលើកកម្ពស់ជីវភាពប្រជាពលរដ្ឋ។
ជាមួយគ្នានេះ លោកជំទាវបណ្ឌិតអភិបាលខេត្ត ក៏បានអំពាវនាវដល់ប្រជាពលរដ្ឋ និងគ្រប់ភាគីពាក់ព័ន្ធទាំងអស់ ឱ្យចូលរួមថែរក្សាអនាម័យបរិស្ថាន ដោយសម្អាតនៅមុខផ្ទះ និងទីតាំងអាជីវកម្មរបស់ខ្លួនឱ្យបានជាប្រចាំ។ ជាពិសេស អាជីវករលក់ដូរនៅតាមទីសាធារណៈ និងសួនច្បារ ត្រូវវេចខ្ចប់កាកសំណល់ឱ្យបានត្រឹមត្រូវ និងដាក់សំរាមតាមទីតាំងដែលបានកំណត់ ដើម្បីរក្សាសោភ័ណភាព និងសណ្តាប់ធ្នាប់សាធារណៈ។
សូមបញ្ជាក់ថា បច្ចុប្បន្ន អាជ្ញាធរខេត្តប៉ៃលិនកំពុងស្ថាបនាបន្ថែម អគារបណ្ណាល័យ និង រូបបដិមាព្រះពុទ្ធផ្ចាញ់មារដ៏ធំ ដែលធ្វើពីថ្មភ្នំ នៅតំបន់ជ្រោះសែនសុខ ស្ថិតក្នុងភូមិបឹងព្រលឹត ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីបង្កើនសោភ័ណភាពតំបន់ និងលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ៕
ដោយ៖ អ៊ុក ទូច
